Monday, June 22, 2009
ਗਜ਼ਲ
ਕਦੇ ਧੁੱਪਾਂ ਚੰਗੀਆਂ ਲੱਗਦੀਆਂ ਨੇ,
ਕਦੇ ਛਾਵਾਂ ਚੰਗੀਆਂ ਲੱਗਦੀਆਂ ਨੇ,
ਖੁਸ਼ੀਆਂ ਵਿੱਚ ਬੁੱਕਲ ਮਹਿਬੂਬ ਦੀ,
ਦੁੱਖਾਂ ਵੇਲੇ ਮਾਵਾਂ ਚੰਗੀਆਂ ਲੱਗਦੀਆ ਨੇ,
ਨੰਗੇ ਪੈਰੀਂ ਬਚਪਨ ਦੇ ਵਿੱਚ ਜਿਥੇ ਖੇਡੇ,
ਉਹ ਰਾਹਵਾਂ ਚੰਗੀਆਂ ਲੱਗਦੀਆਂ ਨੇ,
ਮਹਿਕ ਵਤਨ ਦੀ ਹੋਵੇ ਜਿਸ ਵਿੱਚ,
ਉਹ ਹਵਾਵਾਂ ਚੰਗੀਆਂ ਲੱਗਦੀਆਂ ਨੇ,
ਜਿੱਥੇ ਬਹਿ ਬਾਤਾਂ ਪਾਈਆਂ ਪਿਆਰ ਦੀਆਂ,
ਉਹ ਥਾਵਾਂ ਚੰਗੀਆਂ ਲੱਗਦੀਆ ਨੇ,
ਲੱਖ ਸਹਾਰਾ ਦੇਵੇ ਦੁਨੀਆਂ,
ਭਾਈਆਂ ਦੀਆਂ ਬਾਹਵਾਂ ਚੰਗੀਆਂ ਲੱਗਦੀਆਂ ਨੇ।
Subscribe to:
Post Comments (Atom)
No comments:
Post a Comment